سكراب القهوة COFFEE SCURB
القهوة فيها دهون طبيعية ترطب البشرة وتقشرها تحارب السيلوليت وتعطي تفتيح للبشرة .
هالسكراب من فترة لفترة أسويه أكثر شي أحبه يعطي نعومة من اللحظة الأولى و كان في أثار برجلي متأكدة لو استمريت راح أشوف نتايج حلوة.
1-القهوة “يفضل تركية لكن هالمرة استخدمت قهوة اسبريسو خشنننة متورطة بطعمها ماعجبني وصارلها خمسة شهور عندي فقلت نستفيد منها “خطأ استخدام قهوة سريعة التحضير زي نسكافيه من نستلا لأنها راح تذوب بالماي” المقدار حسب العلبة بهالعلبة استخدمت نص كوب قهوة.
2-خليط مابين السكر الأسمر و الأبيض نص كوب.
3-أربع ملاعق كبار زيت جوز الهند.*ممكن استبداله بزيت الزيتون*
4-ملعقتين زبدة الشيا مذوبة.*ممكن الاستغناء عنها بحالة عدم توفرها.
الإضافات “ممكن اضافة بودرة الكاكو، ممكن اضافة قرفة لكن احنا اصحاب البشرة الحساسة ماراح تناسبنا ”
طريقة استخدامه كأي مقشر بعد ماتببللين الجسم بالماي الدافي فرك الأماكن الي فيها سيلوليت أكثر و الأماكن الداكنة.
تنفع للوجه ؟ تنفع بس أفضل استخدم قهوة لحالها للوجه لأن بشرتي حساسة اخاف كثرة الدهون الموجودة تطلع لي حبوب و أنا مو ناقصة.
حاولي دايم يكون هذا سكرابك الطبيعي بين فترة و فترة
I am trying 