شامبو الرمان للقشرة من ايف روشيه

ماتطلع لي قشرة الا بالشتاء بسبب
جفاف فروة الراس بس هالمرة استخدمت
شامبو من لوريال مرتين وسبب لي قشرة
بشكل مع أن مو أول مرة أجربه
اشتريت هالشامبو
مافرق كثير معاي استخدمته يومياً لمدة
اسبوع علماً انهم كاتبين أنه يزيل القشرة
من أول استخدام
بعد الاسبوع صرت احط على فروة الراس
يوم ايه ويوم لا زيت جوز الهند ونقطة من زيت
شجرة الشاي وراحت القشرة ✌

وصرت استخدم هالشامبو مرتين بالاسبوع
على فروة الراس كتطهير
ما أعجبني كثير في غيره أفضل
و أختي شعرها دايم فيه قشره تقول ما تحس أن فرق معاها
أنصح فيه ؟ لا في غيره أفضل سواء للقشرة أو لصاحبات الفروة الدهنية والشعر الجاف الي يحبون يخلون الفروة نقية .. سعره 39ريال

تابعوني على الأنستآ :iamtryinghere@

شامبو القراص من أيف روشيه للشعر الدهني Yves Rocher

صارلي سنة ونص استخدم شامبوهات طبيعية
سواء طلب من مواقع أو أشتريها
بصراحة ماشفت فيها ذاك الفرق حتى الان يعني لسة ماجاه الشامبو الي أقول أيوا 😭
وماحس فرقوا بشعري 😊
مدري أيش المشكلة 🙊
و ألف و أرجع ع لوريال
المهم نرجع للشامبو :
طفاقة أني شريت شيئ ماشميت ريحته 🙈ريحته عشبببة جداً شنيعة القراص .. استخدمه ثلاث مرات بالاسبوع والباقي لوريال طول معااي شوي منه يكفي لأني مركزه فيه على فروه الراس يسحب الدهون
ريحته ماحبيتها أبداً و ماحس يعني فرق وجودة ولا لا 😊
في منه بالشوفان والحليب ريحته جميلة< عند أختي
أرجع أشتريه: لا ماتوقع

سعره 40 ريآل

* أهلي معتمدينه ويحبونه ومايشوفون ريحته مزعجه زيي ههههههه !!

حبوب للحد من تساقط الشعر Ridge Crest Herbals ,hair ReVive

السلام عليكم ورحمه الله وبركاته

ملاحظة : تجربتي مع هالحبوب من قبل سنة لما كنت أسوي دايت

أنا شعري ع طول يستاقط بسبب نقص فيتامين دال+مرض اخر
في فترة سويت دايت و رغم انه كان صحي إلا أن شعري صار ينزل بطريقة مو طبيعية أبداً وتلازمت فترة قبل الاختبارات 😩يعني مافيني أحلل أبداً عرضت البطاقة الغذائية على مهتم بالمكملات وقالي ممتاز
طلبت الحبوب من موقع آي هيرب iherb بعد ماقريت عدة ريفيوهات عنه.
أسمها ” Ridge Crest Herbals ,hair ReVive”

فوائده :
الحد من تساقط الشعر
ينمو الشعر سميكاً
ينمو الشعر أسرع و أطول
يستخدم :
اربع كبسولات يومياً لمدة ثمانية أسابيع على الأقل، الأفضل كبسولتين الصباح و كبسولتين للمساء

خالية من القمح وفول الصويا و الخميرة.

تجربتي :
لا أخفيكم أني كنت خايفة أجربها بعد ماوصلتني لأن ريحتها ريحة أعشاب قوية ماعجبتني أبداً بديت استخدمها بس ثلاث كبسولات لأني حسيت أربع كثير < ع كيفي
النتيجة : التساقط المهول انتها ورجع لي شعري بتساقطه العادي الطبيعي 🙊❤

الحمد الله يارب
ايضاً يباع بأمازون

أرجع أشتريه ؟

تساقط شعري حالياً طبيعي ولما أقول طبيعي يعني كم شعره باليوم هذا شيئ طبيعي في فرق بين التساقط كل شوي والهر ،وأنا من قبل يومين بادية بنظام صحي فأكيد بيرجع شعري يتساقط هالسنتين سمعت عن عدة مكملات ومتحمسة أني أجرب غيره مع أن كانت مفيدة

تجربتي لمجموعة زيت الأرقان للشعر

كنت كاتبة بوست كامل عنها
وكان روووعة جد غيرت شعري
والحين دمررررته ملياااان سيلكون 😶😶😶
خربت شعري وصار في تعرجات وضعف
كثير
اضطريت اقصه و اسوي ديتوكس للشعر
بس انجح بالطرق بكتب كيف الوحدة
تتخلص من السيلكون الي في شعرها
واعتذر للي استخدموه بناء ع نصيحتي
😭😭 للعلم اختي لازالت تستخدم المجموعة
وماظهر عليها كذا عكسي وحذرتها
بس هي مستمره

بديل الزيت من لوريال بالأرقان

بديل الزيت من لوريال
قد قلت لكم قبل أن مافي منتج للشعر فعلاً بهرني و أن ع قد استخدامي للأشياء الطبيعية ماحسيت بفرق و أني لسة أحس لوريال أفضل شركة للشعر
لوريال
بصراحة أكثر شركة تعجبني للشعر تعطيك خيارات مفتوحة لنوع شعرك و كذلك تنويع بالمنتجات كل مرة تنزل منتج جديد

نجي لبديل الزيت
بالعادة أستخدم حمام زيت بس هالمرة اخترت هالمنتج لقيت كثير بلوقرز يمدحونه حجمه يغري والمكتوب ع العلبة يشجعك
مميزاته الأولية :
يستخدم بأربع طرق !!بصراحة واو يفتح لك خيارات عديدة كل وحدة والي يناسبها جربت كل الطرق
قبل الاستحمام أو خلال الإستحمام أو بعد الإستحمام أو خلال تسريح شعرك
كلهم يعطونك نفس النتيجة بس أنا أفضل خلال الاستحمام

هالمنتج مصمم للي شعرهم جاف لشديد الجفاف أو الي شعرهم دهني و أطراف شعرهم جافة ما أنصح أبداً للدهنين

النتيجة :
من أول مرة راح تحسي شعرك ناعم الشعرات المتطايره هدت بشكل قليل وتسريح شعرك أسرع وفي لمعة حلوة مو مزييت أبداً
تستمر النتيجة معك ثلاثة أيام تقريباً وبعدين تعيدين
ويكفي ريحته حلوة
بصراحة جربت ماسك الميكاديما وماعطاني هالنتيجة فالي حابة تشتريه تجرب لوريال قبل
مين مجربته وحصلت نتيجة حلوة ؟
أعتقد كثير شركات راح تنافس هالمنتج
سعره :11ريال
ماعتقد راح ألجأ لمنتج يباع بالسوق المحلية غيره بصراحة