قناع الطين لتنظيف مسامات البشره Redmond Trading Company, Facial Mud

قناع الطين
لتنظيف مسامات البشره و تضييقها و تجفيف الحبوب و ازالة الدهون

عادة ماسك الطين يكون الأفضل
للبشرة الدهنية لان يجفف الدهون
هالماسك يحتوي على طين #البنتونيت

للبشرة الدهنية يوضع على البشرة حتى ثلاثين دقيقة
و للبشرة الجافة عشر دقايق
شريته من ايهيرب ماحبيته كثير
قوامه سائل مع أن عادة الطين يكون
ثقيل ، لازم احط طبقه
ماحسه ينظف المسام ذاك الزود
قناع الملكة هيلين من ايهيرب احلا بكثير وينظف اكثرر الجيد فيه انه مايسبب حساسيه
مثل اقنعه الطين القوية
اشوف خيار مثالي للبشره الجافة اكثر

سعره 25 ريال

http://sa.iherb.com/Redmond-Trading-Company-Facial-Mud-4-oz-113-g/29044

صابونة البيض من توني مولي لعلاج مسام البشرة Egg Pore Shiny Skin Soap

صابونة #توني_مولي
يجي بالباكج صابونتين البيضا للصباح
وهي تساعد على تفتيح البشره
و السمرا بالمساء تساعد على تحسين
شكل المسام
سمعت عنها كثيير خصيصاً من مريووم
@mmriiiooom
أكثر من بوست اتكلمت عنهم و بصراحة كنت
غاسلة يدي من المنتجات الكورية بعد سلسلة
اخفاقات .
تعليبها كيوت و يجذب كعادة المنتجات الكورية
بالبداية حسيت حجمها صغير بس مع الاستعمال
حسيت حجمها مناسب، ريحتها جيده
ترغي بشكل كثيييف
بالنسبة لي كانت ممتازة و فوق الممتازة
للبشرة الدهنية تسحب الدهون بشكل ممتاز
آخر تجاربي مع الغسولات الطبية كلها كانت ناعمة
هالشيئ جيد بس أحتاج لشيئ يحسسني
بنظافة المسام و سحب الدهون
للبشرة الجافة لازم بعدها كريم مرطب.
أحب الصابونة المساء أحطها دقايق بعدين اغسلها

بالنسبة للمسام لقيت تحسن جيد جدا😭
للمسام الي بالأنف أختفى ماشاء الله
أما الي بالخد عندي مسام كبار وصغار
ماتغيرت للحين

أرجع أشتريها مره ثانية ؟ أي أكيد 💘
سعرها بخمسين 50ريال
اشتريتها من متجر @bbeyond282
اسعارهم حلوه ومو مبالغة فيها أبداً 👌 استمرو

Nubian Heritage, Raw Shea Butter Soap, With Soy Milk, Frankincense & Myrrh صابونة الشيا و حليب الصويا

قالب الشيا مع حليب الصويا وزيت اللبان
و المرة
لمكافحة الشيخوخه 🏃 … *ترا دايم نخطأ بتسمية اي قالب بصابون
مع انه أغلب المنتجات الطبية و العضوية
ماتحط مادة الصابون بس تعودنا ع المسمى

ليش شريت هالمنتج ؟
أولاً هالشركة من ثلاث سنوات و أنا اشتري
منها و شريت عدة قوالب بس
قلت هالمرة أغير واخذ شيئ ماقد شريته
“جربت منهم صابون الليمون احلا شيئ كتبت عنه ريفيو، والمانجو و الصابونة الافريقية كانو عاديين ”
هي من الشركات العضوية و الي ماتجرب
منتجاتها على الحيوانات
لفتني مكونات القالب و حسيتها تنفع “للشد والترطيب” و بما أني أسوي رياضة
حسيت أنها ممكن تدعمني
ترطيبها جيد يعني ماتنشف الجسم ابداً
المكونات الي تحتوي عليها كلها ترطب ” جوز الهند والشيا وفيتامين اي”
هل لقيت شد مثلاً ؟
لا مع ان اللبان و المرة دايم يقولون تنفع للشد
بس ماعتمد الفكرة .. اعرف الشد لاززم رياضة
بس حلو أن نستخدم منتج كزيادة الخير خيرين
فأحسها حلوة من المنتجات الي تختارها الرياضية بالشاور
أرجع أشتريها ؟ ممكن ايوا .. بس لازالت صابونة الليمون أحلا صابونة قد جربته

من ايهرب

http://sa.iherb.com/Nubian-Heritage-Raw-Shea-Butter-Soap-With-Soy-Milk-Frankincense-Myrrh-5-oz-141-g/12780

مقشر فرانك مقشر القهوة الأشهر

مقشر_فرانك مقشر القهوة الأشهر
والي سوا ضجة كبيرة و تقريباً يكاد المنتج
الوحيد الي الذم قليل جداً فيه

مقشر القهوة يمكن فوق الثمان السنوات
و أنا أسوي مقشر قهوة بنفسي ومهما
أشتري مقشرات أرجع له
و لذلك أول ماطلع فرانك ماهتميت كثير
لكن بعد الضجة قلت لازم أجربه
و الصور الي بحسابهم قبل و بعد تحمس
خصيصاً أنها تعالج كثير من الأمراض
الجلدية المختلفة ” اثار حبوب،علامات تمدد
اثار حروق و جروح ودوالي و تصبغات البشرة
يحارب السيلوليت يعالج الاكزيما و الصدفية ”
فيه أكثر من نوع و تجربتي كان مع الاورجنال
العادي قهوة مع زيت اللوز الحلو و قشور البرتقال
الي واضحة بالمقشر ، تعتبر ريحته جيدة
ماهي سيئة أبداً
تجربتي معاه :
طلبته من موقعهم الرسمي وفي خمس أيام
وصلني بشكل مرتب
استخدمته ع طول بشكل منتظم ثلاث لأربع
مرات بالأسبوع
أوزعه على كامل الجسم و الرقبة
و أقشر جسمي أخليه من خمس لعشر دقائق
و أشفطه
من أول مرة ينعم البشرة
ويرطبها بشكل جميل وخيالي
ولو وقفت على هالميزة كنت راح أعجب فيه
لأن بشرتي شديدة الجفاف
التصبغات الي برقبتي خفت مع استخدامي
لتونر من يوسرين
بعض اثار الحبوب الي بجسمي خف بشكل بسيط
الجسم من بعده أحسه مشدووود
الأكيد أنه مو شد زي الرياضة ولكن
شد مرضي و أحس الجلد نفسه صار بارد أكثر
عكس بعض المقشرات تسبب حرارة
هالتجربة لمدة شهر تقريباً أربع مرات بالأسبوع .

الشي السلبي :
اذا منطقة الانر ارم “تحت الذراعين”
ماعندك مشكلة فيها انصحك ماتحطينه عليها
لان مع التعرق وكذا بتحسين بشعور
زيت وريحة المقشر تطلع
الافضل ماتستخدمينه هناك
لو عندك مشكلة ولازم تستخدمينه اغسلي
المنطقة بعده بصابون عشان لايبقع لك
او يطلع ريحة بعد التعرق.

بالنسبة للوجه”بشرتي دهنية شديدة الحساسية” :
فيني اثار حب شباب و ولون غير موحد بالبشرة
استخدمته اول ثلاث مرات كاخر دقيقتين
مرة قاسي ع الوجه بعد غسله
غسلت وجهي بغسول طلعت من الحمام وجهي
محمر مرة و كان منفوخ .. بعدها بكذا أسبوع جربته ضبط ع وجهي
ونظفة كثير حطيته مثل الماسك بدون
فرك بس عند الانف
برجع اجربه للوججه لاني ماعطيته المدة
الكافية و خفت منه فبدرج باستخدامة
البشرة الدهنية و الحساسة تنتبه و تغسل
وجها بعده بغسول … اما الجافه أتوقع عادي

يستاهل الضجة و التجربة ؟
يس يستاهل مع أن لسة ماشفت شي
من ناحية السيلوليت و الاسترتش مارك ولا
أتوقع أشوف، اثار الحبوب متأمله كثير معه
بس يكفي الترطيب هذا يستاهل ❤❤
يوصخ الحمام؟
مايبقع بس شوي ينشب لين ينظف بس عادي
يعني مقشر القهوة التركية الي بالبيت كان اعل
ومقشرات اللوز والمشمش كانت انشب
التغليف؟
بالنسبة لي تغليفه ظريف ومناسب للمنتج
كنت حذرة بالبداية و كنت بفرغة
الحين يجي عليه الماي وما اشيل هم مايتسرب
الي ينتقدون تغليفه معقول مافكرتوا
لو علبوه تعليب ثاني راح يصير مكلف أكثر
و الوزن راح يزيد فكذا عادي
مميزاته :
يعتبر يساعدك على علاج كثير من المشاكل و أورجانك
سعره :
يعتبر رخيص بس لأن نطلبه من برا و الشحن
يصير غالي غير الي يطلبون من التاجرات يصير
السعر غالي عليهم

نقدر نسويه بالبيت ؟
من زمان كنت اسوي و حتى الحين ممكن
توفرت لي الاشياء الخام ومع كذا احس
اذا بتسوين بالبيت ما يتقارن بفرانك و القهوة حقتهم

مقشر فرانك بالكاكو

أتكلمت عن مقشر فرانك الاورجنال
ببوستين مطولين بشكل تفصيلي
أما الحين بتكلم عن فرانك بالكاكو
عبارة عن مقشر بالقهوة و الكاكو
ريحته ريحة براوني مع قهوة
كأني داخلة قهوة الريحة ماحبيتها
كثير لأنها قوية ونفاثة ترطيبه
كان أقل بكثييير من الاورجنال
استخدمته كذا مره للجسم و الوجه
بعدين حسيت أن لازم ما استخدمه
لجسمي لأن ترطيبه خفيف
خليته للوجه بس بما أنه طبيعي
ومايترك اثر دهني ويوعد بتوحيد
لون الوجه وازالة الاثار
ولان الاورجنال كان
دهني بزيادة ع وجهي وحمره

بصراحة ماشفت انه زال الاثار بوجهي
استخدمه بشكل منتظم يوم اي ويوم الي
بعده ماسك الكركم
😕كنت متأمله كثييير فيه انه يزيلهم
ومع ذلك برجع اشتريه
السبب
1-طبيعي
2-كميته وفيره اذا خصصته للوجه بس
3-يشيلي الاثار الدهنية و الجلد الميت
خصيصاً صاحبات البشرة الدهنية بعضهم
تطلع لهم شيئ اشبه بالحبوب مثل
كرات دهنية تتراكم تحت الدقن
فبس استخدمه يختفي بدون اثر
وتجريح
4-سعره مناسب مثل سعر المقشرات
الطبية الي سعرها مية ريال وطالع

غسول و تونر للبشرة الدهنية و المعرضة لحب الشباب من يوسرين

غسول و تونر للبشرة الدهنية
و المعرضة لحب الشباب من #يوسرين
كنت محتارة بين أكثر من ماركة
و اخترت يوسرين شركة المانية لاني شفت ماجدة تستخدمها
و أثق برايها
هالمجموعة من الأساس تحتوي تقريباً
على ست منتجات “غسول تونر مقشر مرطب و كريم الليل و بخاخ ” اشتريت الي أحتاجة
الغسول : “منظف لتنقية البشرة يتخلص من الدهون الزائدة
بشكل فعال ولطيف بينما يزيل الأوساخ و المكياج بفضل تركيبته الخالية من الصابون مع نسبة6%
من الامبو تنزايد ، يضفي على البشرة الشعور بالانتعاش و الليونةً”
حجمة 200مل
سعره :120ريال

الغسول لطيف جداً جداً ع البشرة ربما ألطف
من غسول سيتافيل لحب الشباب
يرغي وينظف الوجه بطريقة جيدة نسبياً
ممكن جيد للبشرات الدهنية الي افراز الدهون
قليل جداً ما أحسه لايق مع حب الشباب
لأن غسولات البشرة الي،فيها حب شباب
عادة تكون أقوى من كذا
فيه ريحة مزعجة لو شمينا العلبة بالكامل
بس و انا أغسل بشرتي بمقدار بسيط ومع
الماء ما أحس بأي ريحة
كمية قليلة يكفي و أتوقع يطول لست شهور
أرجع أشتريه ؟
لا، حابة لسة أجرب من ماركات ثانية

#التونر “ينقي البشرة ويمنح المناطق الدهنية تنظيف مكثف.يحتوي على حمض الاكتيك ينظف المسام
ويعمل على التخلص من البثور متوافق مع أدوية
حب الشباب “تثبت الدراسات قدرة تحمل عالية
للبشرة المعرضة لحب الشباب ”
حجمة 200مل
سعره :100 ريال

المنتج رائع فعلاً و من أحلى التونرات الي جربتها
ينظف بطريقة مبهرة و قوية بدون ما يأذي البشرة
أو تحسين بلسعات الوصف الي مكتوب ع العلبة
فعلاً صحيح و مرتاحة كثير و انا استخدمه
بداية الاستخدام خفت من قوته
و أن بيحسس بشرتي بس بالعكس كل مرة
أحبه أكثر وممكن لأني متعودة ع أغلب التونرات
للبشرة الحساسة 👌
أرجع أشتريه ؟ أكيد
أستخدم التونر أكثر من الغسول و بقطنة
فلذلك اتوقع مدة الاستخدام تكفي شهرين
هو و مقشر فرانك فادوني بمسألة التصبغات
الموجودة بالرقبة.. رقبتي فيها تصبغات كثيرة
و ذلك بسبب خمول الغدة و الوزن الزائد
يعني الرقبة مهما تنظف ترجع التصبغات
بسررعة بس مع هالمنتجين المشكلة
خفت بطريقة رهيبة ❤❤الحمد لله
انا سبق و راحت المشكلة مني لما
نزلت وزني وهي أفضل حل بس
اذا انتي بحمية لسة أو ماتقدرين تنزلين وزنك
أستخدمي هالمنتجين 👌و خصيصا صاحبات مرض السكر .. تواجدهم بأغلب الصيدليات :بوتس،الدواء..إلخ

It’s Skin – مستخلص التبييض سيكريت بدي سولوشين

مثل المحلول يحتوي على أسفنجة بالرأس
يعمل على تفتيتح المنطقة و إعطائها نعومة
يستخدم لخط البكيني منطقة تحت الذراعين و الركب و الأكواع

أستخدمه من مدة طويلة مرة لمرتين باليوم
ريحته حلوة و شكل العلبة كعادة الكوريين كيوت
لكن الأسفنجة غير عملية يبيلك بشويش
يعني ثاني مرة من الاستخدام حركت شوي العلبة
انفكت الاسفنجة وانسكب المحلول ع الساق
مالاحظت أي تفتيح بالركب و ما أفكر أرجع أشتريه *طبعاً ماعتمدت عليه وحدة الترطيب اكيد و التقشير *
سعره :45 من موقع #لينو_شوب
في تاجرات كثير يبيعونه بسعر أغلى ماشوفه يسوا كله محلول

Stimulating ginger and fennel sugar scrub مقشر الزنجبيل و الشمر للسيلوليت من لاش

ت

عجبني روائح منتجات لاش و أن مصنوع
يدوياً ، يعيب فيها المبالغة بأسعارهم
مقارنة بالحجم و في دول الخليج تعتبر غالية
لذلك أحاول ما أشتري منهم 😢أشيائهم مغرية

هالمقشر مع “الأسف” أنشهر انه مقشر
لليد و الركب 😂😂😂!! مدري من
الي مخترعة هالسالفة الي قهرني أن
حتى بحساباتهم الرسمية بالسعودية
والكويت حاطين انه مقشر للركب
أما بالموقع البريطاني موضح ان للسيلوليت

السيلوليت مشكلته مشكله وحله صعب جداً
جداً جداً بمعنى الحل يكون ” بالرياضة، بمنتجات اثناء الاستحمام، بمنتجات بعد الاستحمام، بالغذاء المليان ماء وكولاجين و الابتعاد عن السكاكر و الكارب المعقد، ومساجات
و جلسات بعيادة ”
كل هذا ويالله ممكن تلاقين نتيجة مرضية
اتوقع ممكن بعد سنتين من برنامج منتظم
ممكن تروح منك طبعاً ع حسب الدرجات
ماعلينا ☺👌 الزنجبيل و الشمر معروفين بشد الجسم
خصيصاً بالشرب هالمرة لاش مسوين كسكراب
دائري يبلل طرفه فقط بعد تبليل الجسم
واغلاق الماء الجاري لان
ممكن تذوب القطعة لو حطيتي ماي
كثير و تدلك المناطق المصابة
من خمس لسبع دقايق
ريحته جميلة ❤السكراب لطيف مو قوي كثير
وبنفس الوقت شكله الدائري يعطي مساج حلو
استخدمته بالاوقات الي ما استخدم فيها
مقشر فرانك ☺💘
هل حصلت نتيجة منه؟ لا
شاريته وانا ما أتوقع نتيجة ولكن تحمست
لريحته 😄وان شيئ من لاش
ومع ذلك انا امارس الرياضة واكل اكل صحي
و اشرب ماي كثير لكن يبغالي وقت طويل
عشان اشوف نتيجة .. + منتجات خارجية

 

 

 

مجموعة الشوفان الشعر الجاف من ايفروشيه

شامبو و ماسك خلاصة الشوفان من #ايف_روشيه *شامبو التغذية الحريرية المعالج-الشعر الجاف
شامبو غني بالحليب و الشوفان العضوي يمنح الشعر كثافة و نعومة اكثر خالي من السيليكون .

مو أول تجربة لي مع شامبوهات ايف روشيه
هذا النوع الثالث الي أجربه شامبوهاتهم
خالية من السيليكون بس مو معناتها طبيعية
مية بالمية بس أفضل من السوق و حجمها كبير
300مل يجلس وقت طويل
تجربتي معاه
ريحته لذيذة تذكرني بالفطور الصباحي 😌بس بشكل رايق كأن ريحته حليب محلا بعسل مع
رقائق الشوفان ❤ريحته تبقى بالشعر فترة
ماشفت منه نعومة زائدة او شي من كذا
بس لو برجع اخذه عشانه خالي من السيليكون
سعره: 39 ريال

ماسك للشعر من نفس المجموعة
يقال انه قناع حريري ومغذي فيه خلاصة الشوفان و زبدة الشيا و انه طبيعي بنسبة 96% ، المفروض انه يرطب الشعر الجاف بس ماشفت
هالشيئ ترطيبه لا يكاد يذكر  يناسب الشعر العادي
الميزة العلبة مليانة ع الاخر رغم صغر حجمها
بالنسبة للسعر

سعرها 60 ريال و أشوفه غالي بس ممكن لانه شبه طبيعي بس مافكر ارجع أشتريه في غيره أحلا
متوفرة بالسوق
#إيف_روشيه
#yvesrocher

أسفنجة الكونجاك من ذا فيس شوب

أسفنجة الكونجاك من #ذا_فيس_شوب
سبق و تكلمت عن هالأسفنجة
من ماركة ثانية*راجعوا المدونة*
ناعمة و لطيفة تنظف الوجه وتزيل بقايا المكياج
وهي نبته طبيعية مشهورة باليابان
أكثر من ماركة توفرها خصوصاً اليابانية
و الكورية
في أنواع بالطين البركاني و السودا و غيره
الي لقيتها بالمحل البيضا
ماكنت حابه أرجع أطلب من ايهيرب
هالاسفنجة دامها متوفرة عندنا
و خصيصاً أني ما أعتبرها شيئ واو مرة
لطيفة و ماتهيج البشرة و تنظف المسام
تزيل الدهون
استخدمها مرة لمرتين باليوم
أحرص أحطها بالغرفة و بمكان بعيد ومعرض
للهواء كتم هالاسفنجة وعدم الإعتناء
بنظافتها يتلفها ويسبب لك حبوب ببشرتك
عمرها الافتراضي ثلاث شهور ..
و أنا أفضل شهر أحسن .. ___
بالنسبة للفروقات بينها وبين ايكوتولز
أعتقد أنهم متشابهين بالسعر، سعرها عشرين ريال
إيكو تولز لازم طلب، ذا فيس شوب متواجد بالمولات
إيكو تولز أول ماتجي قاسية بعدين تلين
أما الي من ذا فيس شوب من المغلف
فيها بلل أتوقع بمادة ريحتها باينة
إيكو تولز مافيها خيط، أما من فيس فيها
وتتعلق براحة
الي من إيكو تولز تنشف بسرعة و تيبس
الي من ذا فيس شوب تحتاج وقت أطول لتنشف
من إيكو تولز شكلها مثل البيضه أما من ذا فيس شوب دائرية
أرجع أشتريها ؟ عادي ماراح أموت لو مالقيتها 😁

تابعوني على الانستقرام : iamtryinghere 

Lotion nettoyante pour peaux intolérantesمحلول منظف للبشرة شديدة الحساسية من أفين

محلول منظف للبشرة شديدة الحساسية
من # افين لتنظيف الوجه عرض و ازالة المكياج وو مناسب لمنطقة العينين.غني بمياة افين والثروة يستخدم صباح ومساء بقطنة و مو ضروري مسحة.

افين احسها من أفضل الشركات للبشرة الحساسة
لان اغلب منتجاتها من مياها والثروة
المنتج لونه أبيض تركيبته ناااعمة مرة مرة
و ماتسبب جفاف بالبشرة وولا هي كريمية بزياده
أشوفها تناسب جميع البشرات الدهنية حتى
و تقدرين تستخدمينه كمنظف للبشرة
تجربتي
اشتريته ع مدح الجميلة ماجدة 👌
استخدمته كمزيل للمكياج يزيله بشكل نااعم وينظف البشرة ومايحسسها ولا يجففها ابدا .. من سناب ماجدة ايضآ استخدمه اوقات
أمسح منطقة ارم فيها 👌ناعمة الاندر وتنظف
أفضل من المنظفات الكحولية
و ماننسى الرقبة أكيد
سعره: 112
ريال؟ اشتريه أرجع

لا أشوف سعره غالي شوي 👆ولاني أستخدم مزيل قارنييه الميلك حلو على بشرتي الحساسة
ومرتاحة تفاصيلي معه

مرطب الشفايف العميق و الطبيي من لاروش بوزيه

هو بلسم للشفايف فيه نسبة من البانثينول
يرمم الشفايف خالي من العطور
صناعة فرنسية
من مده ودي أجرب من عندهم شي وبعد
فشل مرطب ايفين رحت اشتري شي
أقوى و أحسن منه
لان شفايفي صارت ناشفة جدا
تطلع قشور بسرعة
معاه ماشاء الله من أستخدام راح رابع
تلاحظين الفرق ينفع للي شفايفهم
متضررة كثير مثل أصحاب مرض
السكر آو الي يستخدمون للبشره لحب الشباب
حبيته كثير نعم الشفايف ماصرت اشوف القشور
الي كآنت تطلع لي باليوم اكثر من مرة 👌

حبيته و اكيد برجع اشتريه بس بشتري
الستيك مو العصار 😊❤❤
لسة في خاطري مرطبين اجربهم عشان ترتاح نفسيتي 🏃🏃 سعره: 55 الصيدلية ريال✌من
الي ماتقدر تشتري مرطب بهالمبلغ وشفايفها تعبانة تستخدم بيبانثنين الوردي سعره 12 ريال
وهو مرهم للجسم اصلا بس عادي تستخدمينه للشفايف وقت الليل لان ثقيل ودسم
بس مو عملي في الإستخدام

الة براون لحلاقة شعر المنطقة الحساسة Braun silk epil

الآلة نسائية جاية ع شكل قلم تقريباً
تعمل بالبطارية لها رأسين واحد للبكيني
و واحد للوجه و غطا و رأسين للتشذيب الشعر
يجي معها أيضاً فرشة صغيرة للتنظيف و
الكيسة للإحتفاظ بالالة
سعرها مية ريال من صيدلية الدواء

بداية أحس البنات استخفوا 😂😃ورا
كل طريقة لنزع الشعر لازم هوشة
كل وحدة الي يريحها أنتي أدرى
بطبيعة جسمك و حاجتك لو مرتاحة
على الحلاوة كملي لو ع الموس براحتك
أنا أستخدم الموس دائماً غير راضية
عن النتائج و لكن السويت في أي
منطقة من جسمي تسبب لي تحسس
وجلد مسلوخ حتى بالرجل تسبب لي دم
لكنها بالنسبة لي الاحساس الانظف ☺💜
هذا رايي .. قلت أغير الموس و أشتري
الالة ماحسيت بفرق كبير بينها وبين الموس
من ناحية النتائج كأن موس بس كهربائي
اخذ وقت أطول في حلاقة الشعر
لابد من شد المنطقة حتى مايطيح الرأس
كل شوي
الراس الصغير ما أفكر أستخدمه ع وجهي نهائياً
لذلك استخدمه ايضاً للمنطقة الحساسة
رؤوس التشذيب ما استخدمتها و لا أفكر وجودها
ماله داعي

بالنهاية ؟
أحسها استثمار اقتصادي 😂.. بدل ماتشترين كل فترة موس بأربعين إلى ثمانين ريال لاستخدام واحد او استخدامين عندك هالالة
و تنفع للسفر
أنصح فيها ؟ لا توقعت أحلا من كذا
اطلعت على الات في أمازون ولكن ماعرفت أختار
لأن التجارب العربية غير موجودة ونادر الي يستخدمون الات

شامبو الرمان للقشرة من ايف روشيه

ماتطلع لي قشرة الا بالشتاء بسبب
جفاف فروة الراس بس هالمرة استخدمت
شامبو من لوريال مرتين وسبب لي قشرة
بشكل مع أن مو أول مرة أجربه
اشتريت هالشامبو
مافرق كثير معاي استخدمته يومياً لمدة
اسبوع علماً انهم كاتبين أنه يزيل القشرة
من أول استخدام
بعد الاسبوع صرت احط على فروة الراس
يوم ايه ويوم لا زيت جوز الهند ونقطة من زيت
شجرة الشاي وراحت القشرة ✌

وصرت استخدم هالشامبو مرتين بالاسبوع
على فروة الراس كتطهير
ما أعجبني كثير في غيره أفضل
و أختي شعرها دايم فيه قشره تقول ما تحس أن فرق معاها
أنصح فيه ؟ لا في غيره أفضل سواء للقشرة أو لصاحبات الفروة الدهنية والشعر الجاف الي يحبون يخلون الفروة نقية .. سعره 39ريال

تابعوني على الأنستآ :iamtryinghere@

بلسم المعالج بزبدة الشيا من ايف روشيه yvesrocher

من أسبوعين كانوا مسوين خصم على
هالبلسم كان ب75 وصار ب 38
فقلت فرصة أشتريه لأن كان ودي فيه

قوامة حلو بين الكريم و الزبدة
بالوسط جاي بينهم يذكرني بقوام
كريم نيفيا الأزرق اللهم كريم
نيفيا ماتحسينه يمتص 😂.. هذا توزيعة سهل شوي منه يكفي
أحب أرطب جسمي فيه بالصباح
فيه ريحة غريبة شوي مو سيئة ولا حلوة
بس مو مؤذية
عجبني للترطيب وحبيته ليدي 👌..
سعره يعتبر مرتفع بدون خصم
ما أحس يستاهل السعر ☺زبدة الشيا البيور
أوفر لك .. بس لو ماعندك مانع بسعره اشتريه

شاي ديتوكس لجمال وتوهج البشرة من يوغي Yogi Tea, Skin DeTox Tea

شاي الديتوكس لبشرة صحية و مشرقة
من يوجي
أتوقع نظام الديتوكس انتشر كثييير
الشاي عضوي 100%
مكتوب أن يعطي صحة و توهج بالبشرة
فيه 16 كيس .. بإمكانك شرب 3أكواب باليوم
تشربينه لمدة شهر ثم استراحة اسبوع وإذا
تبين تكملين كملي
من مكوناته الشاي الأخضر و البرسيم الاحمر
والروز وغيره
تجربتي
ترا شاريته عبط ماكنت متوقعة بيعجبني
اول مافتحت العلبة قبل ما أفتح الكيس
ريحه كذا مادري روز على شاي طلعت منه
مشكلتي بالبداية طولت الكيس وهو منقوع بالكوب فصار طعمة مو حلو وفيه مرارة
بس المرة الي بعدها شلت الكيس بسرعة
والطعم حلوو وغريب 😍😍 وقتها كان في حبه ببشرتي حسيتها هجدت من نفسها
وبشرتي فيها شي حلو يمكن شربته اربع ايام
كل يوم ثلاث مرات بعدها تركته فترة
ورجعت بشرتي وكذا ارجع اشربه واقطع
احس مدري يعطي شي للبشره 😂بس ماعرف وش .. بشرتي فيها عيووب كثيرة فصعب الاقي نتيجة بس من الرفيوهات الكثيرة الي قريتها
كانوا نفسي بشرتهم فيها حب شباب وبمجرد مايشربون الشاي تخف كثير منهم ☺
والاغلبيه قالوا بشرتهم ماتغيرت
بس طعم الشاي حلو وغريب عشان كذا عاجبنا

عن نفسي برجع أشتريه حبيته كثير
وخصيصاً اني نادر ما اشرب شاي فحلو كتغيير للنكهات 😉❤❤ سعره تقريباً 16 ريال
وراح ارجع اشتريه قريب 😍

شريته من ايهيرب
ويتواجد بأمازون

http://sa.iherb.com/Yogi-Tea-Skin-DeTox-Tea-16-Tea-Bags-1-12-oz-32-g/30664

الزيت الألماني لعلاج علامات تمدد الجسم ” الأسترتش مارك ” Weleda, Stretch Mark Massage Oil

زيت من #ويلدا لعلامات تمدد الجسم
“الاسترتش مارك”
من زمان و أنا أستخدم زيت البايو أويل
بس ماجاب لي نتيجة الي أبيها
يعني حبيته كترطيب
بس فترة استخدامه ما طلعت لي
اي علامات جديدة .. وقطعت عنه
و أي أحد يمارس الرياضة
سواء بنت او شاب سمين أو نحيف
لازم لازم يستخدم كريمات تحتوي على فيتامين
أي أو زيوت تحمي من علامات تمدد البشرة
خصيصاً الي يمارسون رياضة المقاومة
مو لما تطلع العلامات تبدأون تستخدمونها
المفروض من أول يوم لكم بالرياضة
و أيضاً المرأة الحامل تستخدم الزيوت
الي مكتوب عليها مسموح للحامل والمرضع
مثل البايو اويل و هالزيت الالماني
ولو حابة بعد استشارة طبيبك
وبالشهور الاولى لا تستنين لين اخر حملك

تمنيت ان احد حذرني منها من زمان 😔😭بس يلا
نجي للزيت أذكر من سنيين شايفته بأمازون بس ماعطيته وجه و من ماجدة لما شفتها تمدحة
قلت مايبي لها لازم اجربه 🙊❤❤❤..
عاد شفت المنتجات الثانية من نفس الشركة
شكلها حلو ويحمس بس عيوبها سعرها غالي
من كم شهر طلعت لي علامات جديدة بسبب
الرياضة وقلت فرصة اجرب هالزيت
العلامات كانت حمراء 👌بعض المناطق
اختفت تماماً والبعض قلت
وانا لسة مستمرة عليه بس هو مكتوب الافضل
ينحط مرتين لثلاث باليوم انا احطه مرة واحدة بس بعد الشاور و بعده بساعة فوقة زبدة الشيا
مالقيت اي تغيير بالخطوط البيضا
بس ناوية اذا شريت جديد اني استخدمه
مع جهاز الديرما رولر
من مكونات الزيت
زيت اللوز الحلو، زهرة العطاس و اتوقع هي الريحة البارزة ريحة عشبة مرة 😂😃بصراحة ريحته مو حلوة بس لو انحط ع الجلد ما احس ان تضايق بعد مرور الوقت ماحس انها موجودة فيني
ينفع للحامل و حتى نهاية فترة الرضاعة
ارجع اشتريه من جديد ؟
ايوا وناويه اخذ للسلوليت . .
بس قبل في زيت ارخص ودي اجربه 😜

سعره نفس سعر البايو اويل 75 ريال
شريته من ايهيرب و يتواجد بأمازون

http://sa.iherb.com/Weleda-Stretch-Mark-Massage-Oil-3-4-fl-oz-100-ml/15133

تجربتي مع كريمات لعلاج حب الشباب

كريمات لحب الشباب ببدأ من اليمين

سكينورين
هالكريم عطتني اياه الدكتورة مع الأكرتين
بالبداية هو لعلاج حب الشباب
و الرؤوس السوداء وكثير من الدكاترة
يوصفونه كعلاج لتصبغات الوجه و الكلف
المادة الاساسية فيه هو حمض الازلايك
ايش الي يميز الكريم هذا من بد
كريمات حب الشباب ؟ أنه رخيص وفعال
ويستخدم بالنهار وبالليل
و غير كذا امن للحامل نادر جداً كريمات
حب الشباب تكون امنه للحامل
تجربتي وطريقة استخدامي :
ما أحسه من الكريمات الي تعالج حب
الشباب بسرعة بمعنى اذا يطلع لك
بين فترة وفترة حبوب بسبب الدورة
هالكريم مابيحلها لك بسرعة مثل البنزاك مثلاً
انا اشوفه كويس اكثر لاثار حب الشباب
ببداية الاسابيع كنت احطه ع الاثار بس
والحبوب ومرة وحدة
يعطيني احساس لسعات وغير مريح بالمرة
بعدها باسبوعين قريت النشرة من جديد
و قرأت أن الافضل تدليك الكريم للمساعدة
ع الامتصاص وصرت احطه ع كامل الوجه
عدا المنطقة المعروفة الي هي حوالين العين
هو و أكرتين خففو لي من الاثار بس
النتائج جداً جداً بطيئة .. الدكتورة
نصحتني باستخدامه لمدة ستة أشهر
أيضاً استخدمة ع الحبوب و الاثار بالكتف 👌
خفف كثير منها ..
سعره اعتقد رخيص 30ريال ربما

بنزاك
أتوقع كثير تكلمت عنه هو من الأشياء الرخيصة
والفعالة جداً بعلاج حب الشباب وشخصياً
استفدت منه كثيير الحبة تقعد ثلاث ايام وتختفي و ايضاً يكافح الحبوب الي تحت الجلد
نقطة ع الحبة فقط على وجه نظيف بالليل
راح يستقلب حمض البنزاك اذا نشف ننام فيه
وهكذا في تركيزين خمسة و عشرة عن نفسي افضل العشرة 👌
سعره 16ريال
من بيوديرما كريم جلوبال
سبق وتكلمت عنه
بنات ماينحط الا ع الحبة فقط فقط مو ع الوجه كامل وتشتكين انه سبب لك حبوب 😭
اشوفه من أقوى الانواع تحسين بوخزات لما تحطينه ماتكثرين منه ع الحبة فقط وطبعاً على وجه نظيف
سعره :140 ريال

اخر كريم هو الفيسودين
ع كثر ما قريت الفرق بينهم الا اني انسى
قريت ان الخط الاحمر والاصفر الافضل للجسم لكني استخدمته لوجهي ☺💘فأنتبهو
يعني مرة ثانية باخذ نوع ثاني
هالكريم فيه نسبة كورتزون 👌لذلك هو اختيار ذكي بحالة بعد نزع شعر الوجه بالخيط او الشمع على طول حطي منه لمدة اسبوع على الاقل
من عيوب هالكريم ما تعدين اسبوعين من استخدامه لذلك تستخدمينه لهالحلات افضل” وهو مو مخصص لحب الشباب ”
اتوقع سعره :40ريال

في بنات بستخدمون الاكرتين و مقشر الدفرين ع الحبة انا ما انصح بهالحركة خصيصاً لصاحبات البشرة الحساسة لان الحبوب من غير شي ملتهبة

تابعوني على الإنستقرام : iamtryinghere@

مجموعة بيور سيستم pure systm لحب الشباب من أيف روشيه

مجموعة بيور سيستم لحب الشباب
من  ايف روشيه
شفت عنها ريڤيو من جويس من فترة
وقلت لازم أجربها لأني أحب هالمحل
و أسعاره حلوة مقارنة بالجودة و بعد
يسوون عروض 😉!
في محل ثاني مادري ليش كل خلق
الله يزعجونا على منتجاته وزود على
البجاحة كل سنة رافعين المنتجات الي
عليها طلب
الي لفتني بالمجموعة أيضاً أنها مو بس
تكافح حب الشباب أيضاً تمنع البقع
و مناسبة للبشرة الحساسة
“بشرتي حساسة ”
أسعار المنتج الواحد تقريباً أربعين ريال
شريت كل المجموعة ماعدا لصقات الأنف
جربتها من بداية شوال ولسة ماخلصتها
أتوقع راحل تقعد معاي لشهر ثاني بعد
المجموعة تتكون من :

1-غسول للوجه
“بعصارة الصبار وحمض السالسيليك خالي من الصابون والبارابين، مخصص في منع ظهور
البثور السوداء وتنظيف المسام بفاعلية ويمنع ظهور البقع ويحد من زيادة الدهون بالبشرة ”

أول غسول استخدمه يحتوي على حبيبات
ناعمة جداً تقشر وتنظف وتصلح للاستخدام اليومي عجبني الغسول أحس أن مسامي
نظيفة بعده
2-التونر لتضييق المسام “بخلاصة الصبار ، متخصص في تنقية البشرة
وتضييق المسام و ينظفها يصفي البشرة
ويمنع اللمعان ويمنع ظهور البقع”

قوامه رهيب مو سائل زي الجل تقريباً او فعلا مثل قوام خلاصة الصبار القوام هذا
يجي بارد ع البشرة ينفع للبشرة الحساسة❤
ينظفها أحب الشعور الي يعطيني اياه
يعطي جفاف بسيط للبشرة
مو الجفاف الي يضايق أبداً

3-كريم مرطب للبشرة
اربعة في واحد للبشرة ذات البثور
والشاحبة في خطوة واحدة تقلل البقع
و الرؤوس السوداء وتنقي نسيج الجلد”

حاولت أحبه ماقدرت يزيييت بشرتي بشكل مو طبيعي !! تمنيت يضبط معاي لاني تحمست عليه انا بشرتي ماتدهن اصلا بهالشكل !! احط نقطة منه وجربت بالدهن و جربت بالطبطبة نفس الشي بعد نص ساعة او ساعة بشرتي تدهن
ماعجبني وتركته
الان بما أن راح نبدأ دوام
لازم اخفف من كريم أكرتين و أرطب بشرتي
فراح أجربه وقت الليل بس
4-ماسك البشرة “يمتص الدهون وينظف ويخفف الاحمرار”
أول استخدام ماحبيته و غير كذا شعرت بوخزات بوجهي بس بعد أكثر من استخدام حسيت
أن فعلاً منقي يعطي بشرتك منظر حلو لمدة اربع ساعات تقريباً احس وجهي نظيف وكذا
غير انه بس ينحط ع الوجه ثلاث دقايق 😍
عجبني وحبيته
بالنهاية المجموعة جيدة، انا أستخدم معاها حبوب مضادة
عن طريق الفم و أنصح اي وحدة فيها حب شباب
تطلب من دكتورتها حبوب مضادة بس ماتكون قوية
ندمت كثيير كثيير اني ماستخدمت الحبوب من قبل
أرجع أشتري المجموعة ؟ أتوقع أي بس بعد ما أجرب
كذا مجموعة ثانية 😓أو يمكن الله يمن علي و أفتك
من حب الشباب و أجرب مجموعة البشرة الدهنية

مضاد minocycline ” المينوسيكلين ” لمكافحة حب الشباب

مينوسكلين (Minocycline)، مضاد حيوي من عائلة التتراسكلين (Tetracyclines)، معروف منذ اكثر من 20 عاما، يستخدم اليوم بالاساس لعلاج حب الشباب (Acne). يعيق المينوسكلين نمو وتكاثر البكتيريا الحساسة له عن طريق اعاقة عملية انتاج البروتينات الحيوية لدورة حياة البكتيريا. عندما لا يكفي العلاج الموضعي للالتهابات القيحية، من المتبع علاجها باستخدام المينوسكلين الذي يقضي على البكتيريا المسماة “البروبيونية – Propionibacterium”. تستوطن هذه البكتيريا في مدخل الغدد الزهمية (Sebaceous glands) وتؤدي الى التهاب احد مكوناته تقيح حب الشباب. القضاء على البكتيريا يساهم في وقف االعملية المدمرة وتحسين المظهر الخارجي. التاثيراتالجانبية الاساسية للمينوسكلين تشمل ردود فعل ارجية، التهاب القولون، عدوى اضافية بفطريات والدوار اذا تم تناول الدواء بجرعات عالية التركيز.

قد يؤدي المينوسكلين الى تراكم تصبغ الجلد باللون الازرق، الذي يختفي عند انهاء العلاج.

السلام عليكم ورحمة الله وبركاته

من قبل رمضان رحت للدكتورة عشان حب الشباب الي بوجهي وطلبت منها مضاد يؤخذ عن طريق الفم للحد من ظهور حب الشباب و طبعاً قلت لها ما أبي روكتان لأن أضراره أكثر من نفعة من وجهة نظري وحبيت يكون اخر الحلول خصيصاً أن عندي أثار أكثر والحبوب تطلع صحيح دائماً بس مو بالشكل الي أحتاج دواء مثله قوي

كتبت لي مضاد المينوسيكلين 100 لون المضاد برتقالي وبنفسجي ما أحس بأي طعم فيه،المضاد بدأ مفعولة بعد أسبوع تقريباً لاحظت الحبوب الي بأكتافي صغرو كثير الحبوب الي كانت على النحر اختفت

الوجه بعد أسبوعين حسيت أو وجهي بدون حبوب بس اثار وبعدها بشهر طلعت لي كم حبة لان الدورة جاتني وخلصت الحبوب حالياً من تركتها لي 17 يوم تقريباً حبوب النحر ماطلعت لي الاكتاف جداً قليلة بس الوجه ارجعت تطلع بشكل بسيط ممكن بسبب استخدام مقشر أكرتين أو أحتاج لتمديد

الموعد الجاي أفكر أقول للدكتورة تمدد بالحبوب حتى أحصل على نتيجة مرضية،مالقيت أي أعراض جانبية لها الحمد الله النصيحة الدائمة لأي أحد ياخذ مكملات أو مضاد شرب 8 أكواب ماء على الأقل