منتجات لم أحصل على نتيجة منها “1”

السلام عليكم ورحمة الله وبركاته

مرحباً بكل المتابعين من جميع الدول العربية ،أسعدني تواجدكم.

كنت مقررة بالمدونة ما أحط إلا التجارب الناجحة و السيئة والناجحة تكون بالأنستقرام لكن قلت لتسهيل البحث أفضل أستخدام المدونة خصيصاً الأنستقرام من الصعب أنك تحصلين منتج بحد ذاته خصيصاً أن في فئة كبيرة يستخدم الهاش تاق بطريقة سيئة ومستفزة لذلك حبيت أني كل مرة أكتب بوست بعدد من المنتجات الي سيئة أو ما استفدت منها أو ما ناسبتني …

---

جيل الصبار من ذا فيس شوب Aloe Fresh

كنت متأملة فيه بسبب قوامه وكميتة الكبيرة وكل ماروح ألاقيه مخلص
توقعت أنه البديل لجل الصبار الي عند التاجرات الكوري
المفروض أنه يهدأ البشرة ويبردها
لكن الي حصل حطيته أربع مرات بعد كم ساعة أحس بحريقة تحت بشررتي وملمسها جداً حاار و أحط عليها ثلج
عرفت أنه منه لأن هو الشي الوحيد الي بنظامي جديد انقهرت ووقفته
سعره خمسين ريال

Neocell, Super Collagen+C حبوب الكولاجين الأمريكية

ماستفدت منها ولا شيئ و وجودها والعدم واحد كنت اخذها على معدة فاضية ..

CC CREAM THE FACE SHOP  سيسي كريم من ذا فيس شوب

من المرات النادرة الي أشتري شيئ و ما أقرأ ريفيو عنه
لقيت هالسيسي كريم قلت فرصة أشتري منتج كوري وصناعته كوريه
أسم المنتج : Face it smart capsule cc cream
شكل المنتج:كيوت من طريقة ضغطه فوق يطلع لك المنتج بس بعدين تكتشفين أنه يحوس العلبة اللون أول ماتحطينه أبيضضض بعدين يتفاعل مع لون بشرتك
وصف المتج :يصحح لون البشرة يوجد فيه فيتامينات تجعل البشرة خالية من العيوب ويعطي اشراقة،ثباته ١2ساعة ونسبة الحماية 40

تجربتي :
من المنتجات الفاشلة الي قد جربتها
مو ذاك التغطية الي كنت متوقعتها بعد كم دقيقة يجتمع زي النقاط بالبشرة كأن قشور 😳وجربته مرة ثانيه حطيت مرطب ونفس النتيجة
جربته أربع مرات بالبيت كل مرة أقول يمكن الحين بشوفه كويس
غير أن إذا جيت بمسحة القطنة تمتلي لووون مو طبيعي أحس أني حاطة منه ثلاث طبقات !!! 😳أشوى ماطلعت لي حبوب ببشرتي ماعرف كيف هالثقل ومايغطي
متحسفة عليه ممكن أخلطه مع منتج ثاني ؟مدري
سعرة فوق المية ريال

Enzymatic Therapy, Derma Klear Akne • Zime, Skin Health حبوب لمكافحة حب الشباب

الوصف :
يعزز صحة الجلد
يقلل من حب الشباب
في العلبة تسعين حبة وناكل حبتين باليوم
خذيته كتجربة استخدام شيئ للجسم للتقليل
من حب الشباب لكن ماستفدت منه
خلصته ولا استفدت 😴
حسافة الخمسين ريال عليه 😂💔💔

http://www.iherb.com/Enzymatic-Therapy-Derma-Klear-Akne-Zime-Skin-Health-90-Capsules/2107#p=1&oos=1&disc=0&lc=en-US&w=derma%20klear&rc=2&sr=null&ic=2

ويبد كريم من أكس فاكتور whipped cream

قبل فترة كنت أبحث عن
فاونديشن يناسب البشرة الحساسة
ولقيت ويبد كريم من ماكس فاكتور شدني
رغم أني ماحب هالماركة ولقيت جويل تمدحه
أنه يناسب البشرة الحساسة.
تجربتي :
نادر ما أحتار بإختياري لدرجتي بالفاونديشن
كنت مترددة بينها وبين درجة ثانية اخترت لايت 40
أول شيئ التعليب جداً غبي !
كريم أساس لابد يكون ضغاط ولا بلاها
الأكيد أني بستخدمه ويدي نظيفة بس ولو !
ثانيا ريحته جداً جداً مزعجة 😫😫مع أن كاتبين يستخدم مواد طبيعية.
قوامة لييين ويتوزع بسرعة ع الوجه
ثواني ووجهي صاير رماادي 🌚🌚
ماعرف من الدرجة 😅
ولا من هالريحة !! مانصح فيه و ابتشلت